فێستیڤاڵی یارییە کوردەواریەکان

تەقلە لەسەر تەقیلە هەرکەس نەیبێ زەلیلە

964+
محەمەد عومەر – هەڵەبجە

بە یادی رۆژانی گەنجی دەستیانکردووە بە یارییە کوردەوارییەکان و کڵاو دەنێنە سەر یەک.

فێستیڤاڵی یارییە کوردەوارییەکانە و لە زانکۆی هەڵەبجە بەڕێوەدەچێت بە مەبەستی چێژ وەرگرتن، هەروەها زیندووکردنەوەی نەریتی باووباپیران.

مام والی پیاوێکی قەدیمیە و دەڵێت، یاری جاران خۆشتر بوو، کەیفی بە یارییە ئەلیکترۆنییەکان نایەت.

ئەم یارییانە لەژێر سەرپەرشتی کۆلێجی وەرزشی زانکۆی هەڵەبجە بەڕێوەچوو، کە دەیانەوێت وەرزش و دابونەریتە کۆنەکان بیری گەنجان بخەنەوە.

ئەگەرچی ئێستا هەر لە منداڵییەوە مرۆڤەکان بە ئایپاد و یارییە ئەلیکترۆنییەکان سەرقاڵ دەبن، بەڵام هێشتا رەگی چالاکییە کۆنەکانی مرۆڤایەتی وشک نەبووە هەرکەس خەریکی بێت، بۆ چەند ساتێک دەچێتەوە یادی سەردەمەکانی پێشووتر.