هەواڵ
سەیدسادق.. کرێکارێک بنمیچی خانووێکی بەسەردا دەڕوخێت و گیان لەدەستدەدات
964+
محەمەد عومەر – هەڵەبجە
ئێوارەی ئەمرۆ یەکشەممە لە گەڕەکی حەساری قەزای سەیدسادق کرێکارێک لە کاتی کارکردن سەقفی ئەو خانووەی کاری تێدادەکرت روخا بەسەریدا و گیانی لەدەستدا.
هاوڕێیەکی ئەو کرێکارەی گیانی لەدەستداوە بە 964ـی وت، تەمەنی ئەو کەسە نزیکەی 45 ساڵ بووە سەڵت بووە، کرێکاری رووخاندنی خانووی کۆن و تێکدانی سەقفی ماڵان بووە.
دکتۆر یوسف علی، بەڕێوەبەری نەخۆشخانەی شەهید شەوکەت لە سەیدسادق بە 964ـی وت، بەهۆی ئەوەی زەبرەکە بەر ملی کرێکارەکە کەوتبوو لە کاتی کەوتنەکەیدا تا گەیاندیانە نەخۆشخانە لەرێگادا گیانی لەدەستدابوو.
پێداچوونەوە: توانا نەقی