راپەڕین.. لە سێ نەخۆشخانە مانگانە نزیکەی 700 نەشتەرگەری تێدا دەکرێت

فەرمان سادق

لە ئیدارەی سەربەخۆی راپەڕین مانگانە نزیکەی 700 نەشتەرگەری جۆراوجۆر ئەنجامدەدرێت.

لە راپەڕین، حەوت نەخۆشخانە هەیە کە تەنیا لە سێیان هۆڵی نەشتەرگەری هەیە، ئەوانیش نەخۆشخانەی راپەڕین، نەخۆشخانەی قەڵادزێ و نەخۆشخانەی منداڵان و لەدایکبوون.

بەپێی ئامارەکانی دەست 964 کەوتووە، تەنیا لەماوەی دوو هەفتەدا 244 نەشتەرگەری لە نەخۆشخانەی راپەڕین ئەنجامدراوە، هەروەها لە ماوەی دوو مانگدا لە نەخۆشخانەی قەڵادزێ 346 نەشتەرگەری هەورە و مامناوەند و بچووک ئەنجامدراوە.

تەها محەمەد رەسوڵ، لێپرسراوی راگەیاندن و پەیوەندییەکانی بەڕێوەبەرایەتی گشتی تەندروستی راپەڕین بە 964ـی وت، لە سنووری ئیدارەی راپەڕین حەوت نەخۆشخانە هەیە، تەنیا لە سێ نەخۆشخانە نەشتەرگەری ئەنجامدەدرێت.

دەشڵێت: بەشێوەیەکی گشتی مانگانە لە هەر سێ نەخۆشخانە هەفتانە تاوەکو 170 نەشتەرگەری گەورە و بچووک و مامناوەند ئەنجامدەدرێت.

بەپێی قسەکانی لێپرسراوی راگەیاندن و پەیوەندییەکانی بەڕێوەبەرایەتی گشتی تەندروستی راپەڕین بێت، مانگانە نزیکەی 700 نەشتەرگەری ئەنجامدەدرێت.