عێراق زێڕ دەکڕێت

964+

فەرمان سادق

بانکی ناوەندی کڕینی زیاتر لە دوو تۆن زێڕی راگەیاند بەمەش پارێزگاری لە پۆلێنی خۆی لە ریزبەندی جیهانی کرد.

لە راگەیەندراوێکدا بانکی ناوەندی عێراقی کڕینی دوو تۆن و 300 کیلۆ زێڕی راگەیاند، بەمەش کۆی یەدەگی زێڕی عێراق بوو بە 132 تۆن و 740 کیلۆ زێڕ.

بانکی ناوەندی، ئامانج لە کڕینی زێڕ رووندەکاتەوە و دەڵێت: ئامانج لە کڕینەکە بۆ زیادکردنی یەدەگی زێڕ و بەرەنگاربوونەوەی پێشهاتە ئابووری و سیاسیەکانی جیهانە.

دەشڵێت: زێڕ بە گرنگترین یەدەگی ئابووری هەژماردەکرێت کە لە دەزگاکانی دارایی وبانکە نێودەوڵەتیەکان بەبەردەوامی پەیڕەوی لێدەکرێت.

بەو کڕینە، ئێستا عێراق لە ئاستی جیهاندا لە پلەی 30ـەیەم دێت و لە ئاستی وڵاتانی عەرەبیش لە پلەی چوارەم دێت.