ژینگەی سۆران بۆ چاندنی نەمام و رێژەی سەوزایی ژینگەیەکی وەرزییە

964+

ئاسۆ وەرتی ــ سۆران

قەدپاڵ و چیاکانی سۆران رووبەرێکی بەرفراوان لە درختە خۆرسکەکان تیایدا رواون. لە ماوەی چاند ساڵی رابردووشدا چەنید هەڵمەتی نەمام چاندن ئەنجامداوە و ئەوەش کاریگەری لەسەر ژینگەی ناوچەکە هەبووە.

بە بۆچوونی چالاکوان و ژینکە دۆستانی ناوچەکە سۆران ژینگەیەکی وەرزیی هەیە.

هۆشیار قاسم، سەرۆکی رێکخراوی راڤێست بۆ رۆشنبیری گشتی بە 964ـی وت، پێویستە لایەنە پەیوەندیدارەکان و هاوڵاتیانیش گرنگی زیاتر به درەختی هەمیشە سەوز بدەن ، چونکە زۆربەی دارو درختی سۆران وەرزین.

وتیشی، نمونەی داری بەڕوو، دار چنار، سپندار و دار بی ، تەنیا لە وەرزی بەهارو هاوین گەڵاکانیان سەوزن، هەروەها سەوزایی دەشت و چیاکان کە تەمەنیان سێ مانگە.

هۆشیار قاسم دەشڵێت، پێویسته دارەستانی دەستکرد لە و جۆرانە دروست بکرێت، کە چوار وەرزی ساڵ سەوزن وەک داری سنەوبەر و زەیتون و قەڵم توز و موتک و یەنگی دونیا، بۆ بەردەوامیدان بە ژینگەی پاک و تەندروست.

بەگوێرەی ئامارێکی دەستەی ژینگەی کوردستان، زۆرترین رێژەی سەوزایی شارەکانی هەرێم لە قەزای ئامێدیە کەڕێژەکەی 42%ـە، ئێدارەی سۆرانیش بەڕێژەی 4% دێت و کەمترین ڕرێژەی سەوزاییش لە ئیدارەی زاخۆیە کە لە 3%ـە.

بەپێی ستاندادری جیهانی نابێت رێژەی سەوزایی هیچ شارێک لە 15% کەمتربێت.

پێداچوونەوە: توانا نەقی