رێگای نێوان حاجیاوا بۆ سەروچاوە نۆژەن کرایەوە

توانا نەقی

رێگای نێوان ناحیەی حاجیاوا بۆ سەروچاوە بە درێژایی زیاتر لە سێ کیلۆمەتر نۆژەن کرایەوە.

نۆژەن کردنەوەکە لە لایەن بەڕێوەبەرایەتی چاککردن و پاراستنی رێگاوبانی ئیدارەی راپەڕینەوە دەکرێت و کارکردن تێیدا بەردەوامە.

وەزارەتی ئاوەدانکردنەوەی حکومەتی هەرێم بڵاویکردووەتەوە، بەردەوامن لە چاککردن و نۆژەنکردنەوەی زۆرێک لەو رێگایەنەی کە تێکچوون و نۆژەنکردنەوەی ئەو رێگایەش لەو چوارچێوەدایە.

پرۆژەی نۆژەنکردنەوەی رێگای حاجیاوا بۆ سەروچاوە بە گوژمەی 250 ملیۆن دینار جێبەجێ دەکرێت و درێژی رێگاکەش 3.1 کیلۆمەترە و پانی شەقامەکەش حەوت مەترە.

پرۆژەکە پێکهاتووە لە چاککردن و قیرتاوکردنی رێگاکە بە دوو چین قیر بە هەموو پێداویستییەکانیەوە.

+1