دیمەنێک لە یاریی زاخۆ و نەفت. فۆتۆ: +964
یانهی زاخۆ سزا درا
964+
ئهرسهلان عهبدوڵا
یانهی زاخۆ دوای ئهوهی نهگهیشته یاریی كۆتایی خولی باسكهی عێراق، جهماوهرهكهشی بوونه هۆكاری سزادانی یانهكهش.
دوای ئهوهی شهوی رابردوو یانهی زاخۆ له بهغدا له حهوتهم یاریی قۆناغی پلهی ئۆفی پێش كۆتایی به یانهی نهفت دۆڕا و نهگهیشته یاریی كۆتایی خولی باسكهی عێراق، ههندێك رووداوی شهڕ و ئاژاوه له هۆڵی یارییهكه روویدا، بهم هۆیهوه یانهی زاخۆ سزا درا.
ئهمڕۆ فیدراسیۆنی باسكهی عێراق بڕیاری دا یانهی زاخۆ به سێ ملیۆن دینار سزا بدات،ئهمهش به هۆی ههڵسوكهوتی جهماوهری یانهكه.
نێردراوی تۆڕی 964 له یارییهكه ئامادهبوو، زانیاری ئهوهی دا یاریزانانی نهفت سووكایهتیان به جهماوهری زاخۆ كرد و ئهوانیش كاردانهوهی توندیان ههبوو.
هاوكات دوو یاریزانی نهفت و سهرپهرشتیاری تیپهكه غهرامهكران.