سیستمێکی جیهانیی هاوڕێی ژینگە بۆ هۆکارەکانی گواستنەوەی زیرەک دروست دەكرێن

ئه‌رسه‌لان عه‌بدوڵا

لوتکەیه‌كی نێودەوڵەتیی بۆ ساڵی 2026، كه‌ له‌ رۆژانی 18 تا 24ی ئه‌م مانگه‌ لە شاری وهوو لە چین بۆ بەکارهێنەرانی ئۆمۆدا و جەیکۆ بەڕێوەدەچێت، تێیدا کۆمەڵێک دیارترین تەکنەلۆژیاکانی ژیریی دەستکرد، ئۆتۆمبێلی زیرەک و تەکنەلۆژیای وزەی نوێ دەخرێنەڕوو.

کۆمپانیای دایک له‌ راپۆرتێكدا بڵاویكرده‌وه‌، لە نیوەی یەکەمی ساڵی 2026دا، بڕی شه‌ش ملیار و 672 رێنمنبی “دراوی چینی” لە بەشی لێکۆڵینەوە و گەشەپێدان خەرج کردووە، کە بە رێژەی 28.3% بەراورد بە ساڵی ڕابردوو زیادی کردووە.

ئاماژه‌ به‌وه‌ش ده‌كه‌ن، وه‌ك ئەزموونێكی زۆر زیرەک لە لوتکەکەدا، سیستمی پارککردنی ئۆتۆماتیکی (SIVP)  و سیستەمی کابینەی زیرەکی ژیری دەستکرد (SIAS) لە رێگەی تاقیکردنەوەی مەیدانییەوە پێشان دەدرێن.

هه‌روه‌ها ئه‌وه‌شیان باس كردووه‌، له‌ تەکنەلۆژیای هايبرید و توانای بڕینی دووریی درێژ، مۆدێلەکانی OMODA 4 SHS-H و OMODA 5 NEXT و OMODA 7 SHS-H تاقیکردنەوەی رێگەی دوور ئەنجام دەدەن، جگه‌ له‌وه‌ی بۆ یەکەمجار لەسەر ئاستی جیهان تەکنەلۆژیای نوێی باتریی 5-kWh HEV دەناسێنێت له‌گه‌ڵ چه‌ند مۆدێلێكی دیكه‌ی ته‌كنه‌لۆژیا.

كۆمپانیاكه‌ ئاشكراشی كردووه‌، وزەی نوێبووەوە 52.77٪ی ئەو کارەبایە دابین دەکات کە لە کارگەکانی دروستکردنی ئۆتۆمبێلی کۆمپانیای دایکدا بەکاردێت، کە پێنج کارگەی سەوزی سەر ئاستی نیشتمانی و دوو کارگەی بێ کاربۆن دەگرێتەوە. بەکارهێنانی ئەلەمنیۆمی دووبارە دەستکاریکراو و تەکنەلۆژیای داڕشتنی یەکگرتوو دەتوانێت دەردانی گاز بە رێژەی 80٪ کەم بکاتەوە بەراورد بە ئەلەمنیۆمی خاو، هه‌روه‌ها بەکارهێنانی ئەلەمنیۆمی کەم کاربۆن لە  JAECOO 7 SHS  نزیكەی 75٪ە. توانای دووبارە بەکارهێنانەوەی بریتییە لە 100 هه‌زار تۆن لە ئاسن و ئەلەمنیۆمی بەکارهاتوو، لەگەڵ 10 هه‌زار تۆن لە پلاستیکی زبڵ.