هێلکەی دابەشکراو لە بایەعی لە سنووری پارێزگای هەولێر. وێنە: بەڕێوەبەرایەتی بازگانی کەلوپەلی خۆراک
بازرگانی کەلوپەلی خۆراکی هەولێر: ئەو هێلکەیەی دەدرێت بەرهەمی ناوخۆیە
964+
فەرمان سادق
دوای ئەو هەڵلایەی لەسەر هێلکەی بایەعی دروستبوو، بەڕێوەبەرایەتی بازرگانی کەلوپەلی خۆراکی هەولێر دڵنیایی دەداتە هاوڵاتیان و دەڵێت، هێلکەکان بەرهەمی ناوخۆیە.
بەڕێوەبەرایەتی بازرگانی کەلوپەلی خۆراکی هەولێر لە راگەیەندراوێکدا هاوڵاتیانی سنووری پارێزگای هەولێر ئاگادار دەکاتەوە کە ئەو هێلکەیەی دەدرێت بە بریکارەکانی خۆراک لە سنووری پارێزگای هەولێر و دەوروبەری، بەرهەمی ناوخۆیە.
دەشڵێت: ئەو هێلکەیە، هەمان ئەو هێلکەیەیە کە لە بازارەکان و مارکێتەکانی شاری هەولێر دەفرۆشرێن، پارێزگای هەولێریش تاکە پارێزگایە کە بەرهەمی ناوخۆ دابەشدەکات.