ئەمە وێنەی بەشێك لە نمایشەكەیە لە كاتی تێستی شانۆكەدا
"باسی پێكەوە ژیان دەكەن"
ئەمڕۆ هەوار و نەژاد لە كەركوك نمایشیان هەیە
964+
كوردستان ئەحمەد
وا بڕیارە ئەمڕۆ لە كەركوك شانۆیەكی تایبەت بە برایەتی و پێكەوەژیانی نەتەوەكانی شارەكە بەڕێوەدەچێت، هەوار و نەژان رۆڵی سەرەکی شانۆگەریەکە دەبینن.
بڕیارە شانۆگەریەكە بەزمانی كوردیی، عەرەبی و توركمانی بێت، سبەی سێشەممە كاتژمێر چواری ئێوارە لە گەڕەكی پەنجا عەلی نمایشدەکرێت.
نمایشی شانۆگەریەکە لەلایەن گروپی هەوار بەڕێوەدەچێت، ئەوان دەڵێن، بەشێوەیەكی خۆبەخش نمایشەکە دەکەین بۆ زیاتر پتەوكردنی پەیوەندییە دۆستاییەتی و هاوڕێیەتیەكانی نێوان نەتەوەكانە لە كەركوك.
نەژاد نەجم، دەرهێنەری شانۆگەریەکەیە، قسەی بۆ 964 كرد وتی “پێشتر پەرلەمانتارێك گەڕەكە كوردیەكانی كەركوكی وەک گەڕەکی تیرۆر و ترس و تۆقاندن ناساندبوو، ئێمە بۆ رووبەڕووبونەوەی ئەو هەڵوێستە هەستاوین بە ئەنجامدانی ئەم شانۆگەرییە”.
هاوکات نەژاد ئەوەشی وت “دەمانەوێت بە جیهان و بە خەڵكی كەركوك و ناوچەكەش بڵێن شاری كەركوك هی هەموو پێكهاتەكانە، ئێمە پێكەوە جوانین و دەبێت پێكەوەش درێژە بە ژیان بدەین لەم شارە”.
گروپی شانۆیی هەوار گروپێكی شانۆگەرین لە شاری كەركوك، بەشداری چەندین چالاكی و كاریی هونەری و شانۆییان لە وڵاتانی دراوسێ و دەرەوەدا كردووە و چەندین خەڵاتی جیهانیان بەدەستهێناوە.