لە کۆتا رۆژەکانی رەمەزان ویستویانە تورشیات و خورمای خراپبوو بفرۆشن

964+

فەهمی نەبی

لە کۆتا رۆژەکانی رەمەزان، قایمقامییەتی سلێمانی رایگەیاند، دەستیانگرتووە بەسەر زیاتر لە هەشت هەزار کیلۆ کەرەستەی تورشی و 400 کیلۆ خورمای خراپبوو.

ئەمڕۆ 20.4.2023 قایمقامییەتی سلێمانی ئەو هەواڵەی راگەیاند.

بەپێی بەدواداچوونی 964 بۆ ئەو راگەیەنراوانەی قایمقامییەتی سلێمانی لەماوەی مانگی رەمەزاندا بڵاویکردوەتەوە، لەماوەی یەک مانگدا سێ کۆگا و دوکانی تورشیاتی داخستووە، هاوکات هەشت هەزار و 800 کیلۆ کەرەستەی تورشیاتی لەناوبردووە.

لیژنە هاوبەشەکانی قایمقامییەتی سلێمانی لەماوەی مانگی رەمەزاندا، دوو تۆن و هەزار و 532 کیلۆ خورمای خراپبوویان لەناو بردووە.

قایممقامییەتی سلێمانی دەڵێت، سەرجەم ئەو کەرەستانە لە دەرەوەی شاری سلێمانی لەناوبراون و خاوەنەکانیان رووبەڕووی یاسا کراونەتەوە.