بیرە نەوتێک لە کەرکوک.
نرخی نەوت هەڵکشا
964+
فەرمان سادق
نرخی نەوت لە بۆرسەی جیهانیدا بە بەرزبوونەوە کرایەوە و هەر بەرمیلێك نەوتی برێنت 49 سەنت بەرزبووە ئەمەش لە کاتێکدایە لە ماوەی مانگی رابردوودا زیاتر لە 13 دۆلار بەرز بووەتەوە.
بەرەبەیانی ئەمڕۆ سێشەممە 18.4.2023، بەرمیلێک نەوتی برێنت بە 85 دۆلار و 49 سەنت مامەڵەی پێوە دەکرێت. بەراورد بە دوێنێ و هەفتەی رابردوودا ئەوا نرخەکە تاوەکو دوو دۆلار دابەزیوە، بەڵام ئەمڕۆ جارێکی دیکە نرخەکە هەڵکشانی بەخۆیەوە بینی.
بەرزبوونەوەکە پەیوەندارە بە ناوەندی ئاماری چین کە رایگەیاندووە، لە چارەکی یەکەمی ئەمساڵ ئابووریی ئەو وڵاتە بە رێژەی 4.5٪ گەشەی کردووە کە زیاتر بووە لە پێشبینییەکان.
هاوکات ئاژانسی نێودەوڵەتی وزەش رایگەیاندووە کە لەمساڵدا بە بڕی دوو ملیۆن بەرمیل نەوت خواست بۆ بەکارهێنانی نەوت زیاد دەبێت.