لە سلێمانی گۆشتی سوور هەرزان کرا
964+
پێشەوا محەمەد – سلێمانی
لە شاری سلێمانی نرخی کیلۆیەک گۆشت دوو تا سێ هەزار دیناری لێبووەتەوە، چاودێری بازرگانیی سلێمانی دەڵێت، چاودێریی جێگیرکردنی نرخەکەی دەکەن.
ئەمڕۆ پێنجشەممە 13.4.2023 نرخی کیلۆیەک گۆشتی بەرخ لە ناو شاری سلێمانی بە 20 هەزار دینار دیاريی کرا، هەروەها نرخی کیلۆیەک گۆشتی گوێرەکە و قیمە بە 19 هەزار داندراوە.
پێشتر نرخی کیلۆیەک گۆشتی سوور لەناو بازاڕی شاری سلێمانی بە 22 هەزار دینار بوو.
سۆران عەبدولغەفوور، بەڕێوەبەری چاودێريی بازرگانیی سلێمانی بە تۆڕی 964ی وت، “ئێستا تیمەکان لەناو بازاڕن بۆ دیاریکردنی ئەو نرخە بۆ گۆشتفرۆشەکان و بەردەوامیش چاودێریی جێگیربوونی نرخەکەی دەکەین”.