دوو تۆن کەلوپەلی ماوە بەسەرچوو لە قەزای خەبات دەستی بەسەرداگیراوە

964+

سەعید محەمەد – هەولێر

تەنیا لە 13 رۆژدا زیاتر لە دوو تۆن کەلوپەلی ماوە بەسەرچوو لە قەزای خەبات دەستی بەسەرداگیراوە.

رێنجبەر بامەڕنێ، بەرێوەبەری چاودێریی بازرگانی خەبات بە 964ـی وت: لیژنەکانی قایمقامیەت لە سەرەتای مانگی رەمەزان بەهۆی پابەند نەبوونیان بە رێنماییەکان شەش شوێن سزای پێژماردنی 850 هەزار دیناریان دراوە، هەروەها دوو تۆن کەلوپەلی خواردەمەنی و شەربەت و ماست و جۆرەکانی تری خواردن و خواردنەوە دەستی بەسەرداگیراوە.

وتیشی: مارکێتی گەورە بڕیاری داخستنی دەرچووە و سزادراوە بەهۆی پابەند نەبوونی بە رێنماییەکان.

964 دەزانێت، لیژنەکانی چاودێریی بازرگانی لەو 13 رۆژەی رەمەزاندا سەردانی 100 مارکێتی کردووە لەگەڵ 8 کۆگا و 12 شیرینەمەنی و 8 چێشتخانە 2 بەڕاد و 18 بریکاری خۆراک و ئارد، 8 مریشکفرۆش و 4 کارگە کۆی سەردانەکان 160 سەردان بووە.

رەنجبەر بامەڕنی، ئەوەشی ئاشکراکرد کە بڕیاری داخستنی کارگەیەکی شەربەت و  شوێنێکی مریشکفرۆشی دراوە.

پێداچوونەوە: فەرمان سادق