پێشەنگاى کتێبى زاخۆ کۆتایى هات
زیاتر لە 50 هەزار کتێب فرۆشراوە؛ نزیکەى 100 هەزار کەس سەردانی کردووە
964+
شڤان عەبدوڵا- زاخۆ
دواى شەش رۆژ، ئەم ئێوارەیە دووەم پێشەنگاى کتێبى زاخۆ کە لە 15ـى ئەم مانگە دەستى پێکردبوو، بە فرۆشتى زیاتر لە 50 هەزار کتێب، کۆتایى هات.
پێشەنگاکە لە 15.11.2026 دەستیپێکردوو و ئەوە دووەم پێشەنگاى ساڵانەى کتێب بوو کە لە زاخۆ بەڕێوە بچێت.
سەرپەرشتیاران دواى کۆتایى هاتنى پێشەنگاکە ئامارەکانیانى سەردانیکردن و فرۆشتنى کتێبیان بڵاوکردەوە کە بەمشێوەیە بووە:
97 هەزار و 263 کەس سەردانى پێشەنگاکەیان کردووە
53 هەزار و 250 کتێب فرۆشراون
100 چاپخانە و کتێبخانە لە 15 وڵاتى جیاوازەوە بەشداریان کردووە
پێداچوونەوە: وریا فەتاح