تەقتەق ماسیی هەموو عێراق دابین دەکات

پارەی کیلۆیەک گۆشت چوار کیلۆ ماسی دەکات 

رازاو محەمەد – سلێمانی

گرانیی گۆشتی سوور بازاڕی ماسیی گەرمکردووە و فرۆشیارێک دەڵێت، پارەی کیلۆیەک گۆشت چوار کیلۆ ماسی دەکات .

کاروان نوری، ماسیفرۆشە لە ناوبازاری شاری سلێمانی، بۆ 964 دەڵێت، چەند جۆرێکی ماسی لە بازاڕدا هەن، لەوانە ماسیی کارب کە نرخی کیلۆیەکی چوار هەزار و 500 دینارە.

“بەهۆی گرانیی گۆشتی سوورەوە هاوڵاتیان زیاتر ماسی دەکڕن چونکە نرخەکەی هەرزانترە و پارەی کیلۆیەک گۆشتی سوور چوار کیلۆ ماسی دەکات”. کاروان نوری، وادەڵێت.

زیرەک زاهیر، خاوەنی کێڵگەی ماسی لە تەقتەق، دەڵێت، تەقتەق لە ماسییا رەقەم یەکە و بۆ هەموو عێراق ماسی دابین دەکات.

دەشڵێت، “تێچووی بەخێوکردنی ماسی بەراورد بە مریشک زۆرترە و بەو هۆیەوە نرخەکەشی لە مریشک گرانترە”.

پێداچوونەوە: کوردستان جەلال