خاوەنی گرووپێکی گەشتیاری: گەشتیارەکانم کەرەستەی پلاستیک بەکارناهێنن

ـ964+

ئەمەل ناجی – هەڵەبجە

خاوەنی گرووپێکی گەشتیاری گەشتیاران دەهێنیت بۆ ناوچە جیاوازەکانی کوردستان و ئەم جارە سەردانی دەرەی مەڕیان کردووە و دەڵێت، “بۆ ئەوەی ژینگەکەی پیس نەبێت تەنانەت ناهێڵم گەشتیارەکان کەرەستەی پلاستیک بەکاربهێنن.”

ئارەزوو باراوی، خاوەنی گرووپی گەشتیاری و چالاکوانێکی ژینگەیە، ئەمڕۆش لەگەڵ گرووپێک لە خوێندکاری زانکۆ ھاتۆتە گوندەکە و بە 964ـی وت: یەکەمجار ئەھاتین تەنیا چەند کەسێکمان ئەبینی کە خەڵکی گوندەکە بوون، بەڵام ئێستا بەھۆی ئاوەندانکردنەوەی گوندەکەوە گەشتیارێکی زۆر دێنە ئێرە و زۆریش فەرقی کردووە لە رووی جوانی ناوچەکەوە لە چاو سەرەتادا.

ئارەزوو باراوی وتیشی: ئێرە شوێنێکی سەختە و پێویستە ھەرکەسێک دێتە ئێرە پاشماوەکانی لەگەڵ دەستی خۆیدا بباتەوە و جێی نەھێڵێت، ئێمەش وەک گرووپەکەی خۆمان، کەرەستەی پلاستیکی بەکارناھێنین، ھەموو کەس کوپ، قاپ و کەوچکی خۆی پێیە.

پێداچوونەوە: کاکەلاو عەبدوڵا