دەمودەست ئامادەن و خەمتان نەبێ

تیمە تەندروستییەکان ئاگایان لە سەردانیکەرانی فێستیڤاڵی هەنار دەبێت

964+

شۆڕش قادری

ئەو کەسانەی دەچنە فێستیڤاڵی هەناری هەڵەبجە، ئەگەر تووشی سەرئێشە بوون یان زەختان دابەزی، خەمتان نەبێ، تیمە تەندروستییەکان لەوێن و هەرزوو چارەتان دەکەن.

بەڕێوەبەرایەتی گشتی تەندروستی هەڵەبجە چەند وێنەیەکی ئیشکردنی تیمەکانیانی داناوە و نووسیویەتی، تیمەگەڕۆکەکانی مۆبایل کلینک لە هەرچوار رۆژی فێستیڤاڵی هەنار و پاییزی هەڵەبجە، ئامادەن و خزمەتگوزارییە تەندروستییەکان پێشکەش بە گەشتیاران دەکەن.

ئەمڕۆ 12ـیەمین فێستیڤاڵی هەنار و پاییزی هەڵەبجە دەستیپێکرد و تا سێ رۆژی دیکە بەردەوام دەبێت.