لە سلێمانی بەنزین 25 دینار و گازوایل 50 دینار هەرزان دەبن

964+

هاوبەش ئەبوبەکر

ئەمڕۆ دووشەممە، لە سلێمانی نرخی هەرسێ جۆرەکەی بەنزین و گازوایل دادەبەزن و بۆ هەر لیترێک بڕی 25 بۆ 50 دیناریان لێدەبێتەوە.

بەهمەن قادر، وتەبێژی بەنزینخانەکانی سلێمانی بە تۆڕی 964ی راگەیاند، نرخی هەر لیترێک لە جۆرەکانی بەنزینی محەسەن، نۆرماڵ و سوپەر بە بڕی 25 دینار و گازوایلیش 50 دینار دادەبەزن.

نرخی بەنزینی محەسەن لە 1175 دینارەوە دەبێت بە 1150 دینار بۆ هەر لیترێک، نۆرماڵ لە 975 دینارەوە دەبێت بە 950 دینار، سوپەریش لە 1325 دینارەوە دەبێت بە 1300 دینار.

خواست لەسەر بەنزین کەمیکردووە

هۆکاری دابەزینی نرخی ئەو جۆرانەی سووتەمەنی، زۆربوونی رێژەکەیان و کەمبوونەوەی خواستە، وتەبێژی بەنزینخانەکانی سلێمانی وای وت.

پێشتریش لە رۆژی 16.3.2023 نرخی گازوایل و غاز نەوت لە سلێمانی، بۆ هەر لیترێک 50 دینار هەرزانبوون.