بەهۆی شۆرتی کارەباوە مۆزەخانەی گەرمیان ئاگریگرت

میلاد جەلال – گەرمیان

مۆزخانەی گەرمیان لە کەلار ئاگریگرت و وتەبێژی بەرگری شارستانی گەرمیان دەڵێت، هۆکارەکەی شۆرتی کارەبا بووە.

ئەمشەو سێشەممە 29.9.2026 ئاگر لەناو بینای مۆزەخانەی گەرمیان لە کەلار کەوتەوە، هەرزوو تیمەکانی بەرگری شارستانی چوونە شوێنەکە و ئاگرەکەیان بێ زیانی گیانی کۆنتڕۆڵ کرد.

ئیبراھیم محەمەد وتەبێژی بەرگری شارستانی گەرمیان بە 964ـی وت،”ھۆکاری ئاگرەکە شۆرتی کارەبا بووە، ئاگرەکە تەنھا لەناو ھۆڵێکی مۆزەخانەکە بووە و تیمەکان بەزوویی ئاگرەکەیان کوژاندووەتەوە”.

لەبارەی کەرەستە شوێنەوارییەکانی ناو مۆزەخانەکە محەمەد عەلی وتەبێژی بەڕێوەبەرایەتی شوێنەواری گەرمیان بە 964ـی وت، “ئەوەی روونبۆتەوە تائێستا، کەرەستەکانی ناو مۆزەخانەکە سەلامەتن و ھیچ زیانێکیان پێنەگەیشتووە”.

پێداچوونەوە؛ شۆڕش قادری