"ناسنامەی هەیە"
تەسبیحێک بە 9000 دۆلار و زیاتریش؛ کەهرەب زێری پیاوان
964+
ئەحمەد شەمزین – هەولێر
لە دامێنی قەڵای هەولێر دوکانێکی فرۆشتنی تەسبیح و بەردە گرانبەهاکان هەیە کە بچیتەناوی سەرت سوڕ دەمێنێ، تەسبیحی لایە بە 9000 دۆلار و زیاتریش.
چیایی لوقمان خاوەن دوكانەکە قسەی بۆ مایکی 964 کردووە و دەڵێت، بەردی کەهرەب کە عەرەب پێی دەڵێت، زێڕی پیاوان ماددەیەکی تەواو کانزاییە و لە دڵی سروشتەوە بەرهەم دێت، ئاسوودەیی بە رۆح دەبەخشێت و بۆ نەخۆشی دڵ و دەمارەکان بەسوودە”.
“گرانترین تەسبیح لای من کە لە بەردی کەهرەب دروستکراوە، بە 9000 دۆلارە و گرانترینیشی هەیە”، چیایی لوقمان وادەڵێت.
ئاماژەی بەوەشکرد، ئەو جۆرە تەسبیحە هەر بە رەنگ و دەنگەکەی لە تەسبیحەکانی دیکە جیادەکرێتەوە و ناسنامە و گەرەنتیشی هەیە.
پێداچوونەوە؛ شۆڕش قادری