تیمێکی حکومەتی هەرێم سەردانی بەغدا دەکات

964+

فەرمان سادق

بۆ نیشاندانی نیازپاکی و درێژەدان بە گفتوگۆکان تیمێکی حکومەتی هەرێمی کوردستان سەردانی بەغدا دەکات.

کەمێک پێش ئێستا، مەسرور بارزانی، سەرۆکی حکومەتی هەرێمی کوردستان لە تویتێکدا ئاماژەی بەوەدا کە لێکتێگەیشتنی ئەمدواییە لەگەڵ بەغدا زەمینەیەکی باشە لەپێناو چارەسەرکردنی کێشەی پەیوەندیدار بە بڕیارەکەی ئەمڕۆی دادگا.

سەرۆکی حکومەتی هەرێمی کوردستان ئەوەشی ئاشکرا کرد کە سبەی یەکشەممە 26.3.2023، تیمێکی حکومەتی هەرێمی کوردستان، سەردانی بەغدا دەکات بۆئەوەی لەسەر بنەمای نیازپاکی، درێژە بە گفتوگۆکانمان بدەین.

سەردانەکە لەکاتێکدایە دادگای نێودەوڵەتی پاریس لەسەر هەناردەی نەوتی هەرێم بۆ تورکیا، لەسەر سکاڵایەکەی حکومەتی عێراق لە دژی تورکیا، لە بەرژەوەندی حکومەتی عێراق بڕیاریدا، ئەمەش بووە هۆی وەستاندنی هەناردەکردنی نەوتی هەرێمی کوردستان بۆ تورکیا.

حکومەتی هەرێمی کوردستان رۆژانە سەرووی 400 هەزار بەرمیل نەوت رەوانەی بەندەری جەیهانی تورکی دەکات و لەوێ بە بازاڕی دەکات.