سێ هۆکار بوونەتە هۆی گرانبوونی گۆشت

964+

فەرمان سادق

ژیانەوەی لەوەڕگاکان و گرانی بەهای دۆلار بەرامبەر بە دینار و زیاتر گرنگیدان بە بەخێوکردنی مەڕ، هۆکارن لە گرانبوونی گۆشتی سوور لە بازاڕەکان.

ئەمڕۆ شەممە 25.3.2023، بەڕێوەبەری بەشی ئاژەڵداری لە وەزارەتی کشتوکاڵ سێ هۆکاری دەستنیشانکرد کە بوونەتە هۆی گرانبوونی نرخی گۆشتی سوور.

وەلید محەمەد رەزوقی، بەڕێوەبەری بەشی ئاژەڵداری لە وەزارەتی کشتوکاڵی عێراق دەڵێت، بەرزبوونەوەی بەهای دۆلار بەرامبەر بە دینار، نەبوونی دابینکردنی گۆشت لە بازاڕدا کە ئێستا وەرزی ژیانەوەی گژوگیایە و ئەمەش یارمەتیدەرە بۆ بواری ئاژەڵداری بۆیە بەخێوکەرانی ئاژەڵ، ئاژەڵەکانیان نایفرۆشن، چونکە لە کێڵگەکانیاندا خۆراکی بێبەرامبەریان هەیە، هاوکات رووکردنە بەخێکردنی مەڕ کە ئاژەڵداران بە چڕی روویان تێکردووە، وەک سێ هۆکار دەستنیشانکردووە کە وایکردووە بەهای گۆشتی سوور گران بێت.

لە ئێستادا لە بازاڕەکانی کوردستان نرخی کیلۆیەک گۆشتی سوور لەنێوان 15 بۆ 23 هەزار دینار دایە.

یەکێکی دیکە لە هۆکارەکانی گرانبوونی گۆشتی سوور بە قسەی گۆشتفرۆشەکان، زۆری خواستە لەسەر گۆشتی سوور لە مانگی رەمەزاندا.

ئەو بەرپرسەی وەزارەتی کشتوکاڵی عێراق، پێیوایە بەهۆی خستنەڕووی زۆرتر لە داهاتووی نزیکدا نرخی گۆشت لە بازاڕەکان روو لە دابەزین دەکات.