40 مەتر درێژە
پردە هەڵواسراوەكەی باناڵێی شارباژێڕ فریادڕەسی گوندنشینانە
ئەحمەد محەمەد – سلێمانی
پردە هەڵواسراوەکەی باناڵێ تەنیا فریادڕەسی گوندنشینان نییە، بەڵکو بووەتە هۆی راکێشانی گەشتیاران و ناساندنی سروشتە جوانەكانی ناوچەكە.
ئەو چەمەی پردەکەی لەسەر دروست کراوە ئاوی پێنج سەرچاوەی دیكە، كە هەریەك لە سەرچاوەكانی مۆكەبە، كونەماسی، كوڕەداوێ، دووچۆمان و چەمی كێلێ لەخۆدەگرێت.
بەرزی ئەو پردەی كە بۆ پەڕینەوەی ئۆتۆمبێلەكان دروست كراوە، هاوتای ئەو ئاوە زۆر و لافاوە نییە كە لەوەرزی زستان روودەكاتە چەمی باناڵێ و بۆیە لەكاتی بارانی بەخوڕ و لافاودا، پردە هەڵواسراوەكە دەبێتە جێگرەوەی پەڕینەوەی گوندنشینان بە چەمەکەدا.
ساڵی 2007 وەزارەتی ئاوەدانكردنەوە پردەكەی دروستكردووە، بە بەرزی شەش مەتر لەئاستی چەمەكەوە، بەپانی 120 سانتیمەتر و درێژیەكەشی تا لە چەمەكە دەپەڕێتەوە دەگاتە 40 مەتر.
پێداچوونەوە: توانا نەقی