“تۆنێک گەنم بە 850 هەزار دینار وەردەگرین”

964+

فەهمی نەبی

وەزارەتی کشتوکاڵی عێراق رایدەگەیەنێت بۆ ئەمساڵ بڕیار دراوە هەر تۆنێک گەنم بە 850 هەزار دینار لە جووتیاران وەربگیرێت و لە ماوەی دوو هەفتەدا پارەکانیان پێبدرێت.

ئەمڕۆ 23.3.3023 ئەو بڕیارە لە کۆبونەوەی ئەنجومەنی وەزیران بڕیاری لەبارەوە دراوە.

بڕیارەکە لەسەر زاری عەباس جەبر عەلیاوی وەزیری کشتوکاڵی عێراق بڵاوکراوەتەوە، کە بۆ ماڵپەڕی وەزارەتی کشتوکاڵ قسەی کردووە.

لەگەڵ ئەوەی نرخی وەرگرتنی گەنم دیاریکراوە، هاوکات ئەوەش هاتووە، ئەو کاتەی گەنم لە جووتیاران وەرگیرا لەماوەی دوو هەفتە پارەکەیان بۆ خەرج دەکرێت.

بە پێی هەواڵەکەی وەزارەتی کشتوکاڵ ئەنجومەنی وەزیرانی عێراق بە نیازە بڕیارێکی نوێ بۆ وەرگرتنی بەرهەمی ئەو جوتیارانە دەربکات، کە لە دەرەوەی پلانی وەزارەتی کشتوکاڵدان.

بە گوێرەی ئاماری وەزارەتی کشتوکاڵ، عێراق ساڵانە پێویستی بە چوار ملیۆن و 600 هەزار تۆن گەنم هەیە.