لەسەر راسپاردەی عەلی زەیدی
شاندێکی باڵای ئەمنیی عێراق گەیشتە هەرێمی کوردستان
964+
فەرهاد حەسەن
لەسەر راسپاردەی عەلی زەیدی سەرۆک وەزیرانی عێراق، سەرلەبەیانی ئەمڕۆ شاندێکی باڵای ئەمنیی عێراق گەیشتە هەولێر.
شاندەکە، بە سەرۆکایەتی قاسم عەبودی، راوێژکاری ئاسایشی نەتەوەیی عێراق، گەیشتە شاری هەولێر و ژمارەیەک لە بەرپرسانی باڵای ئەمنیی تێدایە.
ئامانجی سەردانەکە بۆ تاوتوێکردنی هەماهەنگییە ئەمنییەکانی نێوان بەغداد و هەولێر، بەدواداچوون بۆ پەرەسەندنە ئەمنییەکانی ناوچەکە و پتەوکردنی هاوکارییەکانی نێوان هێزە فیدراڵییەکان و هێزەکانی پێشمەرگەیە بۆ ڕووبەڕووبوونەوەی هەر مەترسییەک کە هەڕەشە لە سەقامگیریی هەرێمی کوردستان و عێراق بکات.