هەردووکیان کوڕ بوون
لە گەرمیان دوو منداڵ لە 23.3.2023دا لەدایکبوون
964+
میلاد جەلال – گەرمیان
لە گەرمیان دوو منداڵ لە 23.3.2023دا لەدایک بوون، هەردووکیان کوڕ بوون و لە دوای کاتژمێر دووی بەرەبەیانی ئەمڕۆ پێنجشەممە لەدایک بوون.
لەدایکبوونەکان لە نەخۆشخانەی شەهید شێرەی نەقیب بوون لە کەلار، حاڵەتی یەکەمیان کاتژمێر 2:20 خولەکی بەرەبەیان بووە و بە نەشترەگری بووە، دووەمیشیان کاتژمێر 2:50 خولەک بووە و سروشتی بووە.
وەزارەتی تەندروستیی حکومەتی هەرێم دوێنێ چوارشەممە 22.3.2023 هۆشداری دایە پزیشک و نەخۆشخانە تایبەتەکان، کە ئەگەر بەهۆی بەرواوری جوانەوە لەدایکبوونی منداڵ پێش بخرێت یان دوا بخرێت رووبەڕووی سزا دەبنەوە.
تۆڕی 964 دەزانێت، لە ئیدارەی گەرمیان تا ئامادەکردنی ئەم هەواڵە تەنها ئەو دوو منداڵە لەدایک بوون.
پێداچوونەوە: پێشەوا محەمەد