لەناو ماڵێکی بەکرەجۆ کەسێک لەکاتی بیرلێدانی نایاسایی دەستگیرکرا

فەرهاد حەسەن

بەڕێوەبەرایەتی پۆلیسی دارستان و ژینگەی پارێزگای سلێمانی دەڵێت، ئەم بایەنییە لە ماڵێکی بەکرەجۆ کەسێکیان لەسەر بیرلێدانی نایاسایی دەستگیرکردووە.

تیمەکانی بنکەی بەکرەجۆ ی ئەو بەڕێوەبەرایەتییە زانیاریان لەسەر ئەو کارە نایاساییە دەستکەوتبوو و دوای دەرچوونیان پێزانینی شوێنەکە ئەو کەسەیان دەستگیر کردووە.

بەپێی راگەیەندراوێکی بەڕێوەبەریەتییەکە ئەو کەسە لە ناو ماڵێکی گەڕەکی کۆمپانیای نەوزاد ، لەکاتێکدا کە سەرقاڵی هەڵکەندنی بیر بوو دەستگیریان کردووە و هاوکات دەست بەسەر ئەو ئامێرەشدا گیراوە کە کاری بیرهەڵکەندنەکەی پێ ئەنجام دەدا.

پۆلیس دەڵێت، پەڕاوی لێکۆڵینەوەیان بۆ ئەو هاوڵاتییە رێکخست و رادەستی دادوەریان کردووە بۆ وەرگرتنی رێکاری یاسایی.