کۆبوونەوەی عەلی زەیدی سەرۆک وەزیرانی عێراق و عەبدوڵا حاجی مەحمود وەزیری کاروباری شەهیدان و ئەنفالکرانی هەرێم – وێنە؛ وەزارەتی کاروباری شەهیدان و ئەنفالکراوانی کوردستان
لە بەغدا قسەی لەسەر کراوە
قەرارە موچەی زیندانیانی سیاسیی کوردستان هاوتای عێراقییەکان بکرێت
شۆڕش قادری
قەرارە موچەی زیندانیانی سیاسیی کوردستان هاوتای موچەی زیندانیانی سیاسیی عێراق بکرێت.
وەزارەتی کاروباری شەهیدان و ئەنفالکراوانی کوردستان ئاشکرایکرد، ئەمڕۆ سێشەممە 30.6.2026 عەبدوڵا حاجی مەحمود وەزیری کاروباری شەهیدان و ئەنفالکرانی حکومەتی هەرێم سەردانی عەلی زەیدی سەرۆک وەزیرانی عێراقی کردووە و داوای لێ کردووە، موچەی زیندانییە سیاسییەکانی هەرێمی کوردستان هاوتای زیندانییە سیاسییەکانی عێراق بکرێت.
لە دیدارەکەدا عەلی زەیدی، پشتیوانی خۆی بۆ داواکارییەکە دەربڕیوە و لایەنە پەیوەندیدارەکانی راسپاردووە، رێکاری یاسایی پێویست لەوبارەیەوە بگرنەبەر.