بۆ شۆفێرانە و هاتوچۆی سلێمانی بڵاویکردووەتەوە
بۆ ئەوەی بەم هاوینە ئۆتۆمبێلەکەی گڕنەگرێت ئەم رێنماییانە جێبەجێ بکە
فەرهاد حەسەن
بەڕێوەبەرایەتی هاتوچۆی سلێمانی، هۆكارهكانی گڕگرتنی ئۆتۆمبێل بە تایبەتیش لە وەرزی هاویندا روونکردوەتەوە و بە شۆفێرانیش دەڵێت، بۆ ئەوەی خۆتان و ئۆتۆمبێلەکانتان سەلامەت بێت، پێویستە رێنماییەکانیان جێبەجێ بکەن.
– كێشه له سیستمی كارهبایی ئۆتۆمبێل
دروستبوونی سپارک (پریشک)، کێشە لە وایەرەکان یان فیوزەکان دەکرێت ببێتە هۆی دروستبوونی ئاگر.
– لێچوونی سووتهمهنی
هەر لێچوونێكی بەنزین لە گەرمای بەرز یاخود لە دروستبوونی سپاركدا، مەترسی گڕگرتن زیاد دەكات.
– خراپی كوالێتی بهنزین
بەکارهێنانی بەنزینی خراپ و کوالێتی نزم بۆ ئۆتۆمبێل، دەبێتە هۆی دروستبوونی کێشە و ئەگەری پەککەوتن و گڕگرتنی لێدەکەوێتەوە.
– بهرزبوونهوهی پلهی گهرمای ئۆتۆمبێل
خراپی سیستمی ساردكەرەوە یاخود كەمی ئاوی رادێتەر دەبێتە هۆی گەرمبوونی زۆر و لە هەندێك حاڵەتدا گڕگرتن.
– بهكارهێنانی پارچهی كوالێتی خراپ
پارچەی نا ستاندارد یاخود كواڵێتی نزم، بە تایبەت لە سیستمی كارهبایی و سووتهمهنی، مەترسی گڕگرتنی ئۆتۆمبێل زیاد دەکات.
– خراپی فیول پەمپ
لێچوونی سووتەمەنی یاخود خراپی فیول پەمپ دەکرێت ببێتە هۆی گڕگرتنی ئۆتۆمبێل.
هاتوچۆی سلێمانی بە شۆفێرانیش دەڵێت: بۆ پاراستنی خۆت و ئۆتۆمبێلەکەت، پێویستە پشکنینی تەواو بۆ سەلامەتی ئۆتۆمبێلەکەت ئەنجام بدەیت و هەمیشە ئـاگـرکوژێنەرەوەت پێبێت و بەسەرنەچووبێت، لەکاتی بوونی هەر حاڵەتێکی ئاگرکەوتنەوەش پەیوەندی بکەن بە پۆلیسی بەرگری شارستانی 115.