لە تویتێکدا بۆ زەیدی “لە مێژە چاوەڕێی ئەو هەڵمەتەین و تا کۆتایی لەگەڵتان دەبین”

فەرهاد حەسەن

ئەوەی سەوی رابردوو لە ناوچەی سەوزی بەغدا روویدا، بە دڵی نوری مالیکی، سەرۆک وەزیرانی پێشووتر و سەرۆکە ئیئتیلافی دەوڵەتی قانوونە، چونکە لە تویتەرەکەی خۆی پاڵپشتی تەواوی ئەو هەڵمەتەی کردووە کە لە دژی “گەندەڵکاران” بەڕێوەدەچێت.

لە تویتەکەی مالیکی هاتووە:

برای ئازیز سەرۆک زەیدی،

دادوەرانی ئازیز،

پیرۆزباییتان لێدەکەین بۆ هەڵمەتی )بەرەبەیان( بۆ بەدواداچوونی گەندەڵکاران کە پارەی گەلی عێراقیان بەفیڕۆ داوە و پشتیوانی خۆمان بۆ ئێوە و هەوڵەکانتان دووپات دەکەینەوە بۆ بەرقەرارکردنی دادپەروەری و لێپرسینەوەی هەموو ئەو کەسانەی کە متمانەیان پێشێلکردووە.

بەردەوام بن لەم ئەرکە تا کۆتایی، چونکە هەنگاوێکی زۆر چاوەڕوانکراوە لەلایەن رۆڵەکانی گەلی عێراقەوە.

براکەت مالیکی