بەحرەین گەشتە ئاسمانییەکانى بۆ عێراق و ئێران راگرت

964+

وریا فەتاح

ئەمڕۆ سێشەممە، بەشێوەیەکى خێرا و بەپەلە، وەزارەتى ناوخۆى بەحرەین بڕیاریدا بە قەدەغەکردنى دەستبەجێى گەشتە ئاسمانییەکانى وڵاتەکەى بۆ عێراق و ئێران.

وەزارەتی ناوخۆی بەحرەین هۆکاری ئەم بڕیارەی گەڕاندووەتەوە بۆ  بەردەوامیی گرژییە ئەمنییەکانی ئێستا و لێکەوتەکانی هێرشەکانی ئێران.

وەزارەتەکە هۆشداری توندی داوەتە هاوڵاتیانی و جەختی لەوە کردووەتەوە کە هەر کەسێک سەرپێچی ئەم بڕیارە بکات، رووبەڕووی رێکاری یاسایی پێویست دەبێتەوە.

بەحرەین کاتى دەستپێکردنەوەى گەشتەکانى بە نادیارى هێشتووەتەوە.

دەرچوونی ئەم بڕیارە لە کاتێکدایە، پێشتر و لە مانگی ئایاری 2026، وەزارەتی ناوخۆی بەحرەین دەستگیرکردنی 41 کەسی وەک “شانەی سەرەکی” پەیوەندیدار بە سوپای پاسدارانی ئێران راگەیاندبوو.