تۆمەتبارانی ئاگرەکەی نەوڕۆڵی گیران
“خەڵوزی نێرگەلە هۆکاری ئاگرەکە بووە”
964+
ژووری هەواڵ
بەڕێوەبەرایەتی پۆلیسی پارێزگای هەڵەبجە رایگەیاند، سێ تۆمەتبارمان دەستگیر کردووە، کە هۆکاری کەوتنەوەی ئاگرەکەی دوێنێی نەوڕۆڵین.
پۆلیسی هەڵەبجە دەڵێت، تۆمەتبارەکان لە ئێستادا بەبڕیاری دادوەر و بەپێی مادەی یاسایی 343 لە یاسای سزادانی عێراقی دەستگیر کراون، هۆکاری کەوتنەوەی ئاگرەکەش خەڵوزی نێرگەلە بووە.
دوێنێ لە ناوچەی نەوڕۆڵی پارێزگای هەڵەبجە ئاگرێکی گەورە کەوتەوە و خەڵکی ناوچەکە و هاوڵاتیانی خۆبەخش فریای کەوتن و کۆنترۆڵیان کرد، ئەگینا زەرەر و زیانی زۆری لێدەکەوتەوە.