کێشەی زەوییەکانی گردجووتیار لە هەولێر چارەسەرکرا “شارەوانی راسپێردرا”

فەرهاد حەسەن

سەرۆکایەتی شارەوانی هەولێر رەزامەندی کۆتایی لەسەر چارەسەرکردنی کێشەی زەوییەکانی گردجووتیار راگەیاند، لەمەودوا خاوەن زەوییەکان دەتوانن مۆڵەتی فەرمیی خانوو وەربگرن و دەست بە پڕۆسەی ئاوەدانکردنەوەی ناوچەکەیان بکەن.

بەپێی راگەیەندراوێکی شارەوانی، لەسەر راسپاردەی وەزیری شارەوانی و گەشتوگوزار ئەندازیار و پارێزگاری هەولێر  سەرۆکایەتی شارەوانی راسپێردرا بە زووترین کات رێکارەکانی دانانی سەرە بلۆک و پێدانی مۆڵەتی دروستکردنی خانوو بۆ گەڕەکی گردجوتیار دەستپێبکات .

ئەم بڕیارە کۆتایی بە چاوەڕوانی چەندین ساڵەی هاوڵاتیانی سنوورەکە دەهێنێت و کێشەی یاسایی زەوییەکانیان چارەسەر دەکات، هاوکات، رێگەخۆشکەر دەبێت بۆ بووژانەوەی ناوچەکە و گەیاندنی پڕۆژە خزمەتگوزارییە سەرەکییەکان لە داهاتوویەکی نزیکدا.