964+
بەنزینی 690 دیناری دەستیپێکردەوە
964+
فەهمی نەبی
دوای وەستانی بۆ ماوەیەک، ئەمڕۆ هەینی دابەشکردنی بەنزینی 690 دیناری دەستیپێکردەوە و لە پارێزگای هەولێر لە شەش وێستگە ئەو بەنزینە دابەشدەکرێت.
سالار محەمەد، سەرپەرپەرشتیاری دابەشکردنی بەنزین لە پارێزگای هەولێر بە 964ی راگەیاند، ئەمڕۆ هەینی 17.3.2023 دابەشکردنی بەنزین بە نرخی 690 دینار بۆ ئۆتۆمبێڵی تایبەت و بارهەڵگر دەستیپێکردوەتەوە.
ئەو سەرپەرشتیارە ئەوەشی وت، لە سەنتەری پارێزگای هەولێر لە هەریەکە لە وێستگەکانی رۆژهەڵات لە رێگای کەسنەزان، وێستگەی گەردی لە رێگای کۆنی بەحرکە، وێستگەی نەورۆز لە رێگای هەولێر -موسڵ، وێستگەی رەوەند لە رێگای مەخمور، وێستگەی محەمەد لە رێگای کەرکوک و وێستگەی دیڤال لە نزیک هەزەی کەسنەزان ئەو بەنزینە دابەشدەکرێت.
بەنزینی پاڵپشتیکراوی 690 دیناری، لەلایەن وەزارەتی سامانە سروشتیەکان دابیندەکرێت، بۆ کەمکردنەوەی فشاری بەرزی نرخی بەنزین لەسەر کەرتی گواستنەوە.