حاجییەکانی سلێمانی ئەمڕۆ بە فڕۆکە دەڕۆن

ئەحمەد مستەفا

لە سلێمانییەوە، ئەمڕۆ دووشەممە 11.6.2026 یەکەم کاروانی حاجیانی سلێمانی کە ژمارەیان 147 کەسە لە رێگەی فڕۆکەخانەی جەلال تاڵەبانی دەچنە وڵاتی سعودییە.

راگەیاندنی فڕۆکەخانەکە رۆژنامەوانانی میوانداری کردووە بۆ کاتژمێر 1:00ی پاشنیوەڕۆ و دەڵێ، یەکەمین کاروانی حاجیانی پارێزگاکانی سلێمانی بەرەو عەرەبستانی سعودی بەڕێدەکەون.

پێشتر، وته‌بێژی حه‌ج و عومره‌ی هەرێمی كوردستان وتی، تا ئێستا زیاتر له‌ 880 حاجی كوردستان به‌ سه‌لامه‌تی گه‌یشتوونه‌ته‌ خاكی سعودیه و ئێوارەی ئەمڕۆ 147 حاجی لە سلێمانی بەرەو سعودیە بەرێدەکەون.

به‌پێی خشته‌ی دیاریكراو تا 17ی ئەم مانگە ته‌واوی حاجیانی كوردستان ده‌گه‌نه‌ سعودییه‌ و دوێنێ ئێوارە حاجیانی پارێزگاری دهۆک و دواتر ئیدارەی سەربەخۆی زاخۆ گەشتنە وڵاتەکە و شوێنی حەوانەوەیان.