گەنجێک لە کاتی مەلەکردندا خنکا

کاروان ساڵحی – کەرکوک

پێش نیوەڕۆی ئەمڕۆ هەینی 8.5.2025 گەنجێکی تەمەن 30 ساڵ لە گوندی ئسبێح سەر بە ناحیەی زاب لە قەزای حەویجە لە کاتی مەلە کردن خنکاوە و تاکو ئێستا تەرمەکەی نەدۆزراوەتەوە و تیمەکان دەستیان بەگەڕان کردووە.

سەرچاوەیەک لە بنکەی پۆلیسی زاب بە 964ـی وت، ئاگادارکراونەتەوە لەوەی گەنجێک خنکاوە و دەست بەجێ بەرگری شارستانی و تیمی پۆلیسی روباریان ئاگادار کردووەتەوە کە بگەنە شوێنی رووداوەکە و دەست بەگەڕان بکەن.

وتیشی، ئەو گەنجە خێزاندارە ومەلە نازانێت رۆیشتووە بۆ کات بەسەربردن و لەوێ خنکاوە.

هەروها مەلەزان و خاوەن بەلەمەکانیان ئاگادارکردووەتەوە کە دەست بەگەڕان بکەن لە قەراخی ئاوەکە و شوێنە دوورە دەستەکان.

پێداچوونەوە: توانا نەقی