سبەی نرخی نەوت، غاز و گازوایل لە سلێمانی دادەبەزێت

964+

هاوبەش ئەبوبەکر

سبەی پێنجشەممە لە سلێمانی نرخی هەریەکە لە نەوت، غاز و گازوایل دادەبەزێت و هەر لیترێک لەو سێ جۆرەی سووتەمەنی، بڕی 50 دینار هەرزا دەبێت.

بەهمەن قادر، وتەبێژی بەنزینخانەکانی سلێمانی بە تۆڕی 964ی وت، سبەینێ بە بڕی 50 دینار نرخی هەریەکە لە نەوت و گازوایل و غاز دادەبەزێت، بەڵام هێشتا بڕیار لە دابەزینی نرخی بەنزین نەدراوە.

لەبارەی هۆکاری دابەزینی نرخەکان، بەهمەن قادر وتی، “خواستیان لەسەر کەمبووەتەوە.”

نرخی لیترێک غاز لە 650 دینارەوە دەبێتە 600 دینار و نرخی لیترێک نەوت لە 950 دینارەوە دەبێتە 900 دینار، هەروەها نرخی لیترێک گازوایل لە 950 دینارەوە دەبێتە 900 دینار.

مانگی رابردووش لە سلێمانی، نرخی غاز و گازوایل دابەزی و هەر لیترێک لەو دوو جۆرە سووتەمەنیە بڕی 25 دیناریان لێبووەوە.