رێگای هەولێر خەبات
نزیکەی سێ ساڵە تەواو نەبووە
کارەکانی نۆژەنکردنەوەی رێگای هەولێر – خەبات دەستیپێکردەوە
964+
ئەرسەلان عەبدوڵا
پارێزگاری هەولێر دەڵێت، دوای وەستانێکی کاتی بەهۆی بارانبارین، جارێکی تر کارکردن لە پڕۆژەی نۆژەنکردنەوەی دووسایدی هەولێر – خەبات دەستیپێکردەوە.
ئومێد خۆشناو لە فەیسبووکی خۆی پۆستی کردووە و نووسیویەتی، پڕۆژەکە لە یەکتربڕی عەلوەی هەولێر تا بازگەی کۆنی کانی قڕژاڵە دەگرێتەوە، درێژییەکەی نزیکەی پێنج پێنج کیلۆمەترە.
هەروەها ئاماژەی بەوەداوە، کارەکانی پڕۆژەکە بە نزیکەی ( چوار ملیار و پێنج سەد ملیۆن دینار ) لەسەر بودجەی پەرەپێدانی پارێزگای هەولێر جێبەجێ دەکرێت.
“ئەم رێگایە یەکێکە لە رێگا سەرەکی و ستراتیژییەکانی پارێزگای هەولێر و تەواوکردنی کاریگەرییەکی زۆری دەبێت لەسەر کەمکردنەوەی جەنجاڵی و پاراستنی سەلامەتی گیانی هاوڵاتیان و گەشتیاران”، ئومێد خۆشناو وادەڵێت.
رێگای هەولێر – خەبات لە 3.7.2023 دەست بە نۆژەنکردنەوەی کراوە و نزیکەی سێ ساڵە کاری تێدادەکرێت و جار جارەش کارکردن تێدا وەستاوە.
