لە ئاوەکەی نەورۆڵی
لە هەڵەبجە رێکخستنەوەی بۆ کارکردنی بەلەمەکان دەکرێت
964+
فەرهاد حەسەن
پارێزگای هەڵەبجە دەڵێتم لەگەڵ لایەنە پەیوەندیدارەکان کار بۆ رێکخستنەوەی کارکردنی بەلەمەکان لە ناوچەی گەشتیاری نەورۆڵی دەکەن، ئەمەش بە ئامانجی رێکخستنەوەی کەرتی گەشتیاری و پێشکەشکردنی باشترین خزمەتگوزارییە بەو هاوڵاتی و گەشتیارانەی روو لە ناوچەکە دەکەن.
نوخشە ناصح، پارێزگاری هەڵەبجە سەرپەرشتی کۆبوونەوەیەکی کرد کە تیایدا قائیمقام، گەشتوگوزار، بەڕێوەبەرانی ناحیەی و پۆلیسی سیروان، ئاسایش و دارستان ئامادەی بوون.
باس لەوەکراوە، بەهۆی نەبوونی مەرجە پێویستەکان لە ئێستادا، پێویستە بەپێی میکانیزمێک، کارکردنی بەلەمەکان پابەند بکرێن بە ستانداردە گەشتیارییەکان و بۆ گەشتیارانیش نرخەکان بە شێوەیەکی گونجاو دیاریبکرێن.
لە کۆبونەوەکە بڕیاردرا، لیژنەیەکی هەمیشەیی تایبەتمەند بۆ بەدواداچوون و چاودێریکردنی جێبەجێکردنی بڕیارەکان پێکبهێنرێت.
