راهێندراو بوون
لە قۆپیەکانی قەرەداغ 40 سمۆرە گەڕێندرانەوە ناو سروشت
964+
فەرهاد حەسەن
پۆلیسی دارستان و ژینگەی سلێمانی دیمەنی گەڕاندنەوەی 40 سمۆرەی لە سنووری قەزای قەرەداغ بڵاوکردووەتەوە و ئامانجیش لێی پاراستنیانە.
ئەو شوێنەی سمۆرەکانیان لێ ئازاد کردوون بریتییە لە قۆپیەکانی قەرەداغ
بەپێی گرتە ڤیدیۆیەکە شوێنی تایبەت لەناو سروشت بۆ سمۆرەکان دروستکراوە و خۆراکیان بۆ دابینکراوە، پۆلیسی دارستان دەڵێت ئەم کارەیان بە سەرپەرشتی دامەزراوەی (ڤیم) و بەشداری و هەماهەنگی ئەفسەر و کارمەندانی بەشی پۆلیسی دارستان و ژینگەی قەرەداغ، وەک هەنگاوی یەکەم ئەنجام داوە.
ئاماژە بەوەکراوە، ئەم هەنگاوە وەک بەشێک لە هەوڵە بەردەوامەکانیانە بۆ پاراستنی ژینگە و پارێزگاری لە گیانەوەرە کێشەدارەکان، بۆ دروستکردنی ژینگەیەکی پاکتر و ئارامتر بۆ سەلامەتی گیانەوەران.
