راو و داربڕین و بیرهەڵکەندن
له دوو رۆژدا نۆ كهس له سنورى سلێمانى لهسهر سهرپێچیكردنه سهر ژینگه دهستگیركراون
964+
فەرهاد حەسەن
لەماوەی دو رۆژدا لە شوێنی جیاوازی سلێمانی نۆ هاوڵاتی بە تۆمەتی جۆراوجۆری تێدانی ژینگە لەلایەن پۆلیسەوە دەستگیر کراون و رێکلاری یاساییان لەبەرامبەردا گیراوەتە بەر.
بەپێی ئەو راگەیەندراوانەی کە پۆلیسی دارستان و ژینگەی سلێمانی ئەمڕۆ ودوێنێ بڵاویکردوونەتەوە، دەردەکەوێت کە تۆمەتی ئەو سەرپێچییانەی خراوەتە پاڵ نۆ هاوڵتییەکە برینین لە راوکردن و بیر هەڵکەندن و بڕینی دارە.
ئەمڕۆ مەفرەزەیەکی بنکەی پۆلیسی دارستان و ژینگەی بنگرد لە سنورە ئاوییەکانی دەریاچەی دوکان توانیان چوار راوچی دەستگیر بکەن کە سەرقاڵی راوکردن بوون، دەستیان بەسەر بەلەمێکی چوپ و دوو تۆڕیشداگرتووە.
هەر ئەمڕۆ مەفرەزەیەكی بەشی پۆلیسی دارستان و ژینگەی شارەزوور دوو هاوڵاتیان بە تۆمەتی بیرهەڵکەندن دەستگیر کرد و دەستیانگرت بەسەر ئامێرێکی بیرهەڵکەندن لە جۆری بەرینەو ئۆتۆمبێلێک و ماتۆڕسکیلێکیشدا گرتووە .
دوێنێس لە لایەن مەفرەزەیەكی بنکەی پۆلیسی دارستانی عەربەت دوو هاوڵاتی دەستگیرکران بەتۆمەتی بڕینەوەی داری سروشتی و تەختکردنی زەوی بە نایاسایی لەسنوری دۆڵی دوکانیان، دەستگیرا بەسەر ئۆتۆمبێلێکیشدا کە داری بڕاوەی (بەڕوو) پێ بوو .
مەفرەزەیەكی بەشی پۆلیسی دارستان و ژینگەی ماوەتیش لە سنوری گوندی (میراوا) لەکاتی چودێریکردنی دارستانەکان بینیان دوو درەختی بەتەمەن لەجۆری (بەڕوو) قەدەکانیان پاککراون بەمەبەستی ووشك بونیان، پاش لێکۆڵینەوەو بەدواداچوون توانرا زانیاری لەسەر کەسی تۆمەتبار کۆبکرێتەوە و تۆمەتبار خۆی رادەستی پۆلیس کرد.
