دایە حاجییەک قسەی خۆش بۆ 964 دەكات
“ئەگەر داكیان لەگەڵ بی دریان خۆشترە”
964+
ئاكام غەفور – سۆران
لە سەیرانگەكانی دەڤەری سۆران دایە حاجییەک لە ناو كوڕ و كچ و زاوا و نەوەكانی بە دڵخۆشییەكی زۆرەوە دەڵێت، لەبەر دڵی منداڵەكانی هاتووە بۆ سەیران و شوكری خوا دەكات.
مراری حەمەدئەمین، ئەو دایە حاجییەیە كە ئەمڕۆ هەینی قسەی خۆشی بۆ 964 كرد و دەیگوت “لە بەر خۆ نایەم لەبەر مال و منداری هاتیمە”.
پەیامنێری 964 سوعبەت لهگهڵ دایهجییهكه دهكات و سووكەشەڕێكی پێ دهفرۆشێت لەسەر خۆشەویستی كوڕ و كچ و زاواکانی، بەڵام ئەو دەیگوت هەموویانی خۆش دەوێ و دانیشی پێدانا، كە كوڕ لە زاوا خۆشەویستترە و بەراورد ناكرێ.
لە ئیدارەی سەربەخۆی سۆران، هاوشێوەی ناوچەكانی دیكەی هەرێمی كوردستان، هاوڵاتیان بە ئارامی و خۆشییەوە چوونە سەیران و كەیف و خۆشییان كرد.
پێداچوونەوە: ئەرسەلان عەبدوڵا
