سێ کەس لە رێگای شارەزوور – سەیدسادق بریندار بوون

+964

بڕوا مەجید –  شارەزوور

لە رووداوێکی هاتوچۆدا لە نێوان دوو ئۆتۆمبێل لە نزیک گوندی (مەحمود خانی) لەسەر رێگای سەرەکیی قەزای شارەزوور بۆ سەیدسادق ، سێ کەس بریندار بوون.

​کامەران سەلیم، ئەفسەر لە هاتوچۆی شارەزوور بۆ 964 وتی، “رووداوەکە لە نێوان دوو ئۆتۆمبێلی جۆری (BYD) و (ئۆپترا)دا بووە ، بەهۆی توندی پێکدادانەکەوە، هەردوو شۆفێری ئۆتۆمبێلەکان و سەرنشینێک بریندار بوون.”

​بەپێی زانیارییەکانی سەرچاوەیەک لە نەخۆشخانەی گشتیی شەهید ڕەئوف بەگ، هەر سێ بریندارەکە گەیەندراونەتە فریاکەوتنی نەخۆشخانەکە و چارەسەری سەرەتاییان بۆ کراوە، یەکێک لە بریندارەکان قاچی شکاوە و دوو کەسەکەی تریش برینەکانیان سووکە.

پێداچوونەوە: ئەرسەلان عەبدوڵا