عێراق: لە دەرهێنانی نەوت و غاز بەردەوامین

ئه‌رسه‌لان عه‌بدوڵا

وەزارەتی نەوتی عێراق رایگەیاند، رێژەی دەرهێنان و بەرهەمهێنانی نه‌وت بەپێی ئاستە پەسەندکراوەکان بەردەوامە لە چوارچێوەی ئەو پلانە بەپەلەیەی کە لەلایەن شانەی قەیرانی وەزارەتەکەوە پەسەندکراوە.

وەزارەتەکە ئه‌مڕۆ دووشه‌ممه‌ دڵنیایی دایه‌ هاوڵاتیان کە رێژەی بەرهەمهێنانی بەرهەمە نەوتییەکان و غازی شل بە تەواوی بەکارهێنانی ناوخۆیی جێبەجێ دەکات، هەروەها ئاماژەی بەوەدا کە کارەکانی دابینکردن لە خاڵەکانی دابەشکردندا بە ئاسانی بەڕێوەدەچێت.

راگەیەندراوەکەی وەزارەتی نەوت، کە بە تۆڕی 964 گەیشتووە، به‌م جۆره‌یه‌:

وەزارەتی نەوت بەردەوامبوونی رێژەی دەرهێنانی راگەیاند کە لە چوارچێوەی پلانی فریاگوزاریدا پەسەندکراو، کە لەلایەن شانەی قەیرانەکانی وەزارەتەوە پەسەندکراوە.

وەزارەتەکە دووپاتی ده‌كاته‌وه‌، رێژەی بەرهەمهێنانی بەرهەمە نەوتییەکان و غازی شل لە ئاست بەکارهێنانی ناوخۆییدایە، هاوڵاتیان دڵنیا دەکاتەوە کە کارەکانی دابینکردن لە خاڵەکانی دابەشکردندا بە ئاسانی بەڕێوەدەچێت.

وەزارەتەکە ئاماژەی بەوەشکردووە، رێژەی بەرهەمهێنانی بەنزین لە پاڵاوگەکانی عێراق گەیشتووەتە 32 هەزار و 474 مەتر سێجا، هاوکات رێژەی بەکارهێنانی ڕۆژانە گەیشتووەتە 29 هەزار و 79 مەتر سێجا، هه‌روه‌ها ئاستی هەڵگرتنی بەردەست بۆ بارکردن گەیشتە 98,478 مەتر سێجا.

ئه‌مه‌ له‌ كاتێكدایه‌ له‌ هه‌رێمی كوردستان قه‌یرانی غازی ماڵان هه‌یه‌ و به‌نزینیش گران بووه‌ و له‌ هه‌ر جۆرێكی لیتری 50 تا 75 دیناری چووه‌ته‌سه‌ر.