خێزانێک بۆ تکەلێدان سێ جێگەیان گۆڕیوە

عەبدولعەزیز خالند – هەولێر

خێزانێک لە پێش نیوەڕۆوە بۆ ئەوەی گۆشت و کەبابێک لە دەرەوە بخۆن، سێ جێگەیان لەبەر باران گۆڕیوە و ئێستا لەبن دارێک گیرساونەتەوە، ئەمڕۆ یەکەم رۆژی نەورۆزە و خەڵک دڵی لەلای سەیران و گەڕانە.

عەبدولعەزیزی پەیامنێر ئەوانی دۆزیوەتەوە، وەک ئیشی هەمیشەیی کارەکانی دەرەوە دەبێ پیاو بیکات، ئەگەرچی زەڵاتەکە دەمێکە لەلایەن ژنەکانەوە ئامادەکراوە.

دوو هاوژینیان قسەی بۆ دەکەن و باسی ئەوە دەکەن، بەهۆی بارانبارینەوە کەشی سەیرانەکەیان جیاوازتر بووە و هەوڵیان داوە، هەرچۆنێک هەیە بەدەم بارانەکەوە، دوور لە ماڵەوە گەشتێک، ئەگەر کورتیش بێت رێک بخەن و پاروویەک لە دەرەوە بخۆن.

پێداچوونەوە: ئەحمەد مستەفا