یەکەم بێژەری هەواڵی کەناڵی جەزیرە گیانی لەدەست دا

ئه‌رسه‌لان عه‌بدوڵا

ئه‌مڕۆ 15.3.2026 بێژه‌ی دیاری عه‌ره‌ب و كه‌ناڵی جه‌زیره‌ جەمال رەییان لە تەمەنی 73 ساڵی ژیانئاوایی كرد.

جه‌مال ره‌ییان له‌ 1953 له‌دایكبووه‌ و یەکێکە لە دامەزرێنەرانی کەناڵی جەزیرەی قەتەڕی، لە 1996 دەستپێکی هەواڵەکانی کەناڵەکەی له‌گه‌ڵ كردنه‌وه‌یدا پێشکەش کرد.

ئه‌و سه‌ره‌تا لە 1974 لە تەلەڤزیۆنی ئوردن دەستی بەکار کردووە و دواتر لە چەندین رادیۆ و کەناڵ و میدیای عەرەبی کاری کردووە، له‌وانه‌ ته‌له‌ڤزیۆنی ئیمارات و رادیۆی بی بی سی عه‌ره‌بی.

جه‌مال ره‌ییان نزیکەی 50 ساڵ کاری میدیایی کرد و 30 ساڵیش بوو رووخساری دیاری كه‌ناڵی جەزیرە بوو.

ئه‌و خەڵکی شاری توڵکەڕەمی فەڵەستینە و رەگەزنامەی ئوردنیشی هه‌بوو.

کۆچی دوایی جەمال رەییان دوای ئەوە دێت، کە لە سەرەتای ئەمساڵ بێژەرێکی زۆر ناوداری کەناڵەکە کۆچی دوایی کرد، کە جەمیل عازر بوو.