لە دهۆک منداڵێک بەفڕێدراوی دۆزرایەوە

964+

شڤان عەبدوڵا – دهۆک

لە گەڕەکی زڕکای دهۆک منداڵێکی ساوا بە فڕێدراوی دۆزرایەوە و رەوانەی نەخۆشخانە کرا.

بەیانی ئەمرۆ هەینی 13.3.2026 لەگەڕەکی زڕکای دهۆک منداڵێکی ساوا کە تەمەنی تەنیا چەند رۆژێک دەبێ، دۆزراوەتەوە، دوای ئاگادارکردنەوەی پۆلیسی دهۆک، منداڵەکە بۆ نەخوشخانەی دهۆک گواستراوەتەوە و لە ئێستادا لەژێر چاودێری پزیشکیدایە.

سەبارەت بەو رووداوە عەقید هێمن سلێمان، وتەبێژی پۆلیسی دهۆک بە 964ـی وت، بەپێی مادەی 383 لەیاسای سزادانی عێراقی پەڕاوی لێکۆلینەوە بۆ دوسیەکە کراوەتەوە، تۆمەتبار و خاوەنی ئەو منداڵە بدۆزرێتەوە، لانیکەم سزای حەوت ساڵ زیندانی بەسەردا دەسەپێنرێت.

پێداچوونەوە؛ شۆڕش قادری

منداڵێکی ساوای کوڕ لە نزیک زانکۆ فڕێدرا