وەرە بۆ سفرە
ئیختیارێکی ماندوو؛ وەڵا رۆژانە چوار هەزار پەیا ئەکەم
964+
دیلان محەمەد جەزا – سلێمانی
ئیختیارێکی ماندوو لە ناوبازاڕی سلێمانی، رۆژانە بە فرۆشتنی سفرەی سەفەری رۆژانە چوار هەزار دینار پەیدا دەکات و دەڵێ، بژێوی 12 کەسی خێزانێکیان لەسەرە.
لە کاتی تۆمارکردنی بەرهەمەکە، کەسێک دەیەوێت هاوکاری بکات و پارەی زیاتری پێ بدات، ئەویش دەڵێت، ئاخر نابێت کاکە.
ئەو بە شێوازێکی تایبەت هاوار بۆ سفرەکەی دەکات و لەناو دوو عەلاگەدا سفرە سەفەرییەکانی هەڵگرتووە، دێت و دەچێ و دەیەوێ خەڵک لێی بکڕن تا رۆژانەی خۆی بکەوێت.
ئەو ئیختیارە تەمەنێکی زۆری هەیە و رەنگە هەر کەسێکی دیکە ببوایە لە جێگەی ئەو لە ماڵ و لەناو خانەنشینانی ژیانی بەسەر ببردایە، بەڵام ئەحتیاجی وای لێکردووە سفرە بفرۆشێ.
پێداچوونەوە: ئەحمەد مستەفا
