لە کەلار ماتۆڕسوارێک بەسەختی برینداربووە و ناسنامەی دیار نییە
لە کەلار
ماتۆڕسوارێک بەسەختی برینداربووە و ناسنامەی دیار نییە
964+
شۆڕش قادری
لە کەلار ماتۆڕسوارێک بەسەختی برینداربووە و ناسنامەی دیار نییە، پۆلیس داوای کەسوکاری دەکات.
بەڕێوەبەرایەتی پۆلیسی گەرمیان لە بانگەوازێکی بەپەلەدا دەڵێت، “ماتۆڕسکیلێک لەنزیک نەخۆشخانەی شەهید شیرەی نەقیب ئۆتۆمبێل لێیداوە و شۆفێرەکەی برینداربووە و باری تەندروستی ناجێگیرە و رەوانەی نەخۆشخانەی سلێمانی دەکرێت”.
ئاماژە بەوەشکراوە، بەهۆی نەبوونی ناسنامەوە، بریندارەکە ناناسرێتەوە، بلوزێکی سەوز و شەڕواڵێکی کوردی خاکی لەبەردایە.
پۆلیسی گەرمیان داوا لەکەسوکاری دەکات بەپەلە سەردانی نەخۆشخانەی شەهید هەژار بکەن لە کەلار.
